महाबुमा एमाले, गढी-६ मा कांग्रेस, डाक्नेश्वरी १ र ४ मा जसपा र सुर्मा-४ मा कांग्रेस विजयी

काठमाडौं । आइतबार सम्पन्न स्थानीयतह उपनिर्वाचन, २०८१ को नतिजा आउनेक्रम जारी छ ।

दैलेखको महाबु गाउँपालिका अध्यक्ष पदमा नेकपा एमालेका जङ्गबहादुर शाहीले तीन हजार एक सय २७ मत प्राप्त गरी विजयी भए ।

उनका निकटतम प्रतिस्पर्धी नेपाली कांग्रेसका झलकबहादुर भण्डारीले दुई हजार छ सय ७५ मत प्राप्त गरे । मुख्य निर्वाचन अधिकृत कुलप्रसाद पाण्डेले जानकारी दिए ।

सुनसरीको गढी गाउँपालिका–६ को वडाध्यक्ष पदमा नेपाली कांग्रेसका उम्मेदवार तेतर साहले आठ सय १६ मत गरेर निर्वाचित भए ।

उनका निकटतम प्रतिस्पर्धी नेकपा एमालेका सन्तु उराँवले सात सय ७० मत प्राप्त गरेका छने भने नेकपा माओवादी केन्द्रका कुशेश्वर खेरवारले छ सय ९५ मत प्राप्त गरेकोमुख्य निर्वाचन अधिकृत मुकेश उपाध्ययाले जानकारी दिए ।

सप्तरीको डाक्नेश्वरी नगरपालिका १ र ४ को वडाध्यक्ष पदमा जनता समाजवादी पार्टी नेपालका उम्मेदवार विजयी भएका छन् ।

डाक्नेश्वरी–१ धीरेन्द्रकुमार साह र डाक्नेश्वरी– मा देवेन्द्रप्रसाद यादव निर्वाचित हुनुभएको जिल्ला निर्वाचन कार्यालय सप्तरीका प्रमुख रमेशकुमार जोशीले जानकारी दिए ।

बझाङको सुर्मा गाउँपालिका–४ को वडाध्यक्ष पदमा नेपाली कांग्रेसका उम्मेदवार धीरेन्द्र पुजाराले छ सय ५७ मत प्राप्त गरेर निर्वाचित भए ।

उनको निकटतम प्रतिस्पर्धी नेकपा एमालेका उम्मेदवार लखिचन्द्र बोहराले चार सय ८७ मत प्राप्त गरेको निर्वाचन कार्यालयले जनाएको छ ।