सुन-चाँदीको मूल्य घट्यो, कतिमा भइरहेको छ किनबेच ?

काठमाडौं । नेपाली बजारमा आज (शुक्रबार) सुन-चाँदीको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला पाँच सय रूपैयाँले घटेर एक लाख ४८ हजार पाँच सय रूपैयाँमा कारोबार भइरहेको हो ।

अघिल्लो दिन सुनको मूल्य प्रतितोला एक लाख ४९ हजार रूपैयाँ थियो ।

त्यसैगरी आज चाँदीको मूल्य पनि घटेको छ । अघिल्लो दिनको तुलनामा प्रतितोला २० रूपैयाँले घटेर चाँदी प्रतितोला एक हजार सात सय ६० रूपैयाँमा कारोबार भइरहेको छ ।

बिहीबार चाँदी प्रतितोला एक हजार सात सय ८० रूपैयाँमा किनबेच भएको थियो ।