पानी निकाल्न खनिएको बोरिङबाट निस्कियो आगोको ज्वाला, प्रहरीको सिनियर टोली घटनास्थलमा (भिडिओ)

काठमाडौं । ललितपुरको टिकाथलीमा पानीको बोरिङ खन्दा आगोकाे ज्वाला निस्किएको छ ।

पानी ट्यांकी राख्न माटो खनेर सकिएपछि मेशिन फिट वाइलिङ गर्ने क्रममा जमिनमुनिबाट आगो निस्किएको हो ।

टिकाथली र चांगाथलीबीचको गोदावरी खोला नजिक पर्ने ३०० मिटर जमिनमुनिबाट  निस्किएको आगोलाई बिहानदेखि स्थानीयले हिलो र पानी छ्यापेर आगो निभाउने प्रयास गरिरहेका छन् ।

ललितपुर प्रहरी परिसरले यस विषयमा सिनियर टोली पठाएर बुझ्ने काम भइरहेको जानकारी दिएको छ ।