इरानी सर्वोच्च नेताको चेतावनी– यहूदीहरूप्रति कुनै दया देखाउने छैनौँ

काठमाडौं । इरानका सर्वोच्च नेता अयातोल्लाह खामेनीले इजरायललाई कडा जवाफ दिने बताएका छन् ।

सामाजिक सञ्जालमा लेख्दै खामेनीले यहुदीहरूमाथि कुनै दया नदेखाउने उल्लेख गरेका छन् । उनले भनेका छन्, ‘हामीले आतङ्कवादी यहूदी शासनलाई कडा जवाफ दिनुपर्छ । हामी यहूदीहरूलाई कुनै दया देखाउने छैनौँ ।’

यो घोषणापछि इरानले इजरायलमा २५ वटा मिसाइल प्रहार गरेको मिडिया रिपोर्टमा उल्लेख छ ।

यसअघि अमेरिकी राष्ट्रपति डोनाल्ड ट्रम्पले इरानलाई बिनाशर्त आत्मसमर्पण गर्न चेतावनी दिएका थिए । साथै, उनले इरानका सर्वोच्च नेता कहाँ छन् भन्ने आफूहरूलाई जानकारी रहेको बताउँदै अहिले नै उनलाई नमार्ने उल्लेख गरेका थिए ।

गत शुक्रबारदेखि सुरू भएको यस युद्धमा इरानमा दर्जनौँ शीर्ष सैन्य अधिकारीसहित साढे दुई सयभन्दा बढीको ज्यान गएको छ ।

अमेरिका प्रत्यक्ष रूपमा अहिलेसम्म यस युद्ध सामेल नरहे पनि अब छिट्टै अमेरिका यो युद्धमा सामेल हुन सक्ने अनुमान गरिएको छ । राष्ट्रपति ट्रम्पले क्यानडाबाट फर्केपछि व्हाइटहाउसमा राष्ट्रिय सुरक्षा टोलीसँग बैठक गरेका छन् र मध्यपूर्वमा थप लडाकु विमान पठाउने निर्णय गरेका छन् ।

Shorts

नागढुंगा सुरुङमार्ग पुसदेखि सञ्चालनमा आउने

बजारबाट ९० अर्ब तान्दै केन्द्रीय बैंक

नेपालीको उद्धारका लागि विवरण सङ्कलन सुरू

सुन, हिरालगायतमा लगाएको विलासिता कर र भ्याट पुनरावलोकन गर्न माग

दीपलको प्रिमियम ईभी किन्दा ६ महिनाकाे किस्ता तिर्न नपर्ने

१० महिनामा ३ खर्ब ६८ अर्ब कर्जा प्रवाह

देहत्याग गर्न हिँडेका डाक्टर भेटिए यस्तो अवस्थामा

राप्रपाले भत्ता नलिने

१० रुपैयाँ दरका नयाँ नोट प्रचलनमा

साढे ३ अर्ब रुपैयाँ विदेशी लगानीको प्रतिबद्धता