अवैध लागूऔषधसहित देशका विभिन्न स्थानबाट १४ जना पक्राउ

काठमाडौं । देशका विभिन्न स्थानबाट प्रहरीले अवैध लागूऔषधसहित १४ जनालाई पक्राउ गरेको छ ।

उनिहरुबाट पैहरीले विभिन्न प्रकारका डायजेपाम, प्रोमेथाजाइन, बुप्रेनोर्फिन, ट्रामाडोल, ब्राउन सुगर, हेरोइन, र गाँजा जस्ता लागूऔषध बरामद गरेको छ ।

काठमाडौंको चन्द्रागिरी नगरपालिका–२ नागढुङ्गाबाट १९ वर्षीय रंजित मेहतालाई शनिबार बिहान प्रहरीले पक्राउ गर्याे । डायजेपाम, प्रोमेथाजाइन र बुप्रेनोर्फिनका ३ सय ४० एम्पुलहरू सहित राजबिराजबाट काठमाडौँ आउँदै गरेको बसमा सवार अवस्थामा पक्राउ गरिएको हो ।

काठमाडौं महानगरपालिका–६ नागेश्वर गल्लीबाट सिन्धुपाल्चोक चौतारा साँगाचोकगढी नगरपालिका–७ का सुरज रसाईलीलाई ट्रामाडोलका १ सय ९० ट्याब्लेटसहित शुक्रबार दिउँसो पक्राउ गरियो हो ।

त्यसैगरि बाँकेको खजुरा गाउँपालिका–३ स्थित नम्बर बजारबाट ब्राउन सुगर जस्तो देखिने पदार्थ ४ सय मिलिग्रामसहित दुई जनालाई शुक्रबार राति प्रहरीले पक्राउ गरेको छ । पक्राउ पर्नेहरू बर्दिया बढैयाताल गाउँपालिका का २० वर्षीय प्रसान्त चौधरी र गुलरिया नगरपालिका–१२ का २२ वर्षीय निरज परियार रहेका छन् ।

सुनसरीको इनरूवा नगरपालिका–४ बसपार्कचोकबाट ब्राउन सुगर जस्तो पदार्थ ४ ग्राम ५० मिलिग्रामसहित मोरङ सुन्दरहरैँचा नगरपालिका–६ का २८ वर्षीय हेमराज विक पक्राउ परे ।
भोजपुरको पिङडाँडाबाट ब्राउन सुगर जस्तो पदार्थ १५ ग्राम ६ सय ५० मिलिग्रामसहित दुई जनालाई शुक्रबार साँझ पक्राउ गरियो। पक्राउ पर्नेहरू भोजपुर नगरपालिका–१२ का ३० वर्षीय रिजन श्रेष्ठ र टेम्केमैयुङ गाउँपालिका–२ का २८ वर्षीय सनुप राई छन् ।

कैलाली, धनगढी उपमहानगरपालिका–२ त्रिनगर ब्यारेलबाट खैरो हेरोइन जस्तो पदार्थ २ ग्राम ७ सय ६० मिलिग्रामसहित गोदावरी नगरपालिका–१ का डोटी शिखर नगरपालिका–८ घर भएका ३५ वर्षीय बिर बहादुर रावललाई पक्राउ परेका छन् ।

त्यस्तै, कैलालीको धनगढी उपमहानगरपालिका–२ त्रिनगर ब्यारेलबाट हेरोइन जस्तो पदार्थ ५ सय ९० मिलिग्रामसहित चुरे गाउँपालिका–३ का ३२ वर्षीय मोहन मल्ललाई पनि पक्राउ गरिएको छ ।

कैलालीको धनगढी उपमहानगरपालिका–१२ जुगेडाबाट हेरोइन जस्तो पदार्थ ७ सय ४० मिलिग्रामसहित २ जनालाई शुक्रबार बेलुकी प्रहरीले पक्राउ गरेको छ । पक्राउ पर्नेहरू २३ वर्षिय बिजय विक र २२ वर्षिय प्रदीप राना रहेका छन् ।

बारा, सिम्रौनगढ नगरपालिका–२ नयका टोला बस्ने ३५ वर्षीया रीता देवी यादवलाई गाँजा करिब १ सय ३८ किलो ७ सय ग्रामसहित शुक्रबार बेलुकी प्रहरीले पक्राउ गरेको छ ।

बर्दियाको बढैयाताल गाउँपालिका–२ फुटाहाबाट ब्राउन सुगर जस्तो पदार्थ ९ सय ८० मिलिग्रामसहित राम चौधरीलाई भारतबाट नेपालतर्फ पैदल आउँदै गर्दा पक्राउ गरिएको हो । पक्राउ गरेका सबै व्यक्तिहरूको माथि थप अनुसन्धान भैरहेको प्रहरीले जनाएको छ ।