सोमबार, असोज २०, २०८२
कर्पोरट खबर
10:26 am, सोमबार, असोज २०, २०८२
काठमाडौं । अगामी कात्तिक १७ गतेका लागि तय भएको मनाङ प्रदेशसभाको उपचुनाव स्थगित भएको छ ।
आइतबार सरकार र निर्वाचन आयोगका पदाधिकारीबीचको छलफलपछि मनाङ प्रदेशसभाको उपचुनाव स्थगित गर्ने समझदारी भएको हो ।
चुनाव स्थगित भएको बताउँदै कार्यवाहक प्रमुख निर्वाचन आयुक्त रामप्रसाद भण्डारीले अर्को मिति तय गर्ने बताएका छन ।
उप निर्वाचन प्रयोजनका लागि असोज २२ र २३ गते दल दर्ताको कार्यतालिका सार्वजनिक भइसकेको थियो ।
जेनजीको आन्दोलनपछि सृजना भएको अवस्था र अहिलेको विपदका कारण उक्त कार्यतालिका प्रभावित भएपछि आयोगले निर्वाचन स्थगित गरेको भण्डारीले बताए ।
प्रतिनिधिसभा विघटनसँगै रुपन्देही ३ को प्रतिनिधिसभा उपचुनाव भने यसअघि नै रद्द भइसकेको छ ।
FACEBOOK COMMENTS