दिल्लीमा बम विस्फोट गराइएको कार चालक पुलवामाका डा. उमर मोहम्मद भएको पुष्टि

NEW DELHI, INDIA – NOVEMBER 10: Vehicles destroyed in a blast near the Red Fort Metro Station Gate No. 1. on November 10, 2025 in New Delhi, India. Eight deaths have been confirmed in the explosion, the cause of which is yet to be ascertained, with 12 others sustaining injuries. Entire Uttar Pradesh and Maharashtra’s Mumbai have been put on alert. (Photo by Sanjeev Verma/Hindustan Times via Getty Images)

काठमाडौं । सोमबार साँझ भारतको राजधानी दिल्लीको लाल किल्ला नजिकै भएको कार बम विस्फोटमा कारमा रहेको व्यक्ति डा. उमर मोहम्मद भएको पुष्टि भएको छ ।

डिएनए परिक्षणबाट कारमा रहेका डा. उमर मोहम्मद भएको पुष्टि भएको हो । बुधबार राति अबेर, प्रहरी र फोरेन्सिक टोलीले विस्फोटक पदार्थले भरिएको आई २० कारमा सवार घटनास्थलमा कारमा टुक्राटुक्रा अवस्थामा फेला परेको शवबाट लिइएको डिएनए नमूना उमरकी आमाको डिएनएसँग मेल खाएको भारतीय मिडियाहरुले उल्लेख गरेका छन् ।

दिल्ली प्रहरीको विशेष सेलले पुलवामाको सम्बुरामा बस्ने डा. उमरका परिवारका सदस्यहरूसँग पनि सोधपुछ गरेको छ । उमरकी आमा र भाइले परिक्षणकालागि डिएनएका नमूनाहरू प्रदान गरेका थिए, जुन विस्फोटमा प्रयोग गरिएको कारको भग्नावशेषमा भेटिएका अवशेषहरूसँग मेल खाएको छ ।

अनुसन्धान एजेन्सीहरूले उमरले गाडीमा जडान गरिएको विस्फोटक वा कार बम बनाउने प्रयास गरिरहेको र अनलाइन जानकारी सङ्कलन गरेको बताएका छन् । नोभेम्बर १० मा आफ्ना सहयोगीहरूको गिरफ्तारी डरले उमरले आतंकित हुँदै बम विस्फोट गराएको अनुसन्धानमा खुलेको छ ।

बिहीबार बिहान बम विस्फोटमा अर्का घाइते व्यक्तिको मृत्यु भएको छ । दिल्ली प्रहरी अधिकारीहरूका अनुसार विस्फोटमा अहिलेसम्म १३ जनाको मृत्यु भएको छ । मृतकको पहिचान दिल्ली बाहिर बस्ने गुलाम हसनका छोरा बिलालको रूपमा गरिएको छ । अहिले १६ भन्दा बढी घाइतेहरू हाल दिल्लीका विभिन्न अस्पतालहरूमा उपचार भइरहेको छ ।