इरानको प्रदर्शनमा मृत्यु हुनेको सङ्ख्या ५ सय ३८ पुग्यो

Iranian people wave the country’s flags under a portrait of Iran’s Supreme Leader, Ayatollah Ali Khamenei, during an unveiling ceremony of a statue of the Islamic leader of the Shi’ite Muslims, Imam Ali, the father of Imam al-Hussain, in southern Tehran, Iran, on January 3, 2026. (Photo by Morteza Nikoubazl/NurPhoto via Getty Images)

काठमाडौँ । इरानमा सरकार विरोधी प्रदर्शनमा ५ सय ३८ जनाको मृत्यु भएको छ ।

जसमा ४९० प्रदर्शनकारी र ४८ जना सुरक्षाकर्मी रहेका छन् । त्यस्तै अहिलेसम्म १० हजार ६ सय भन्दा बढी प्रदर्शनकारीलाई हिरासतमा लिइएको छ ।

अल जजीराले भने १ सय ९ सुरक्षाकर्मी मारिएको रिपोर्ट गरेको छ । विगत दुई हप्तादेखि जारी यी प्रदर्शनहरूमा विदेशमन्त्री अब्बास अराघचीले प्रदर्शनकारीहरूले प्रहरी अधिकारीहरूलाई मारेको र जिउँदै जलाएको आरोप लगाएका छन् ।

अराघचीले प्रहरी अधिकारीहरूमाथि भएको आक्रमणको भिडियो पनि सेयर गरेका छन् । विरोध प्रदर्शनको बीचमा, इरानले संयुक्त राज्य अमेरिकालाई चेतावनी दिदै यदि उसले आक्रमण गरेमा इरानले अमेरिकी सैनिक र इजरायललाई लक्षित गर्ने बताएको छ ।

साथै इरानले प्रदर्शनकारीहरूलाई चेतावनी दिदै पक्राउ परेकाहरूलाई सबैभन्दा कठोर रूपमा व्यवहार गरिने र कडा सजाय दिइने बताएर प्रदर्शन दबाउन अझ कठोर हुने संकेत दिएको छ ।

अमेरिकी राष्ट्रपति डोनाल्ड ट्रम्पले शनिबार इरान पहिले कहिल्यै नभएको जस्तो स्वतन्त्रताको लागि तत्पर रहेको टिप्पणी गरेका थिए । उनले अमेरिका मद्दत गर्न तयार रहेको बताउदै प्रदर्शनकारीमाथि आक्रमण भए आफुहरुले पनि आक्रमण गर्ने चेतावनी दिएका थिए ।