मंगलबार, पुस २९, २०८२
कर्पोरट खबर
3:05 pm, सोमबार, पुस २८, २०८२
काठमाडौँ । दोलखाको मेलुङ गाउँपालिका–१ का वडाध्यक्ष इश्वर कोईरालासमेत ३ जनाविरुद्ध सरकारी कागजात सच्याएको तथा सार्वजनिक सम्पत्ति हानि नोक्सानी पुर्याई भ्रष्टाचार गरेको बारे मद्दा दायर भएको छ ।
अख्तियार दुरुपयोग अनुसन्धान आयोगले वडा अध्यक्ष कोइरालासहित तीन जनाले मृत्यु भईसकेका व्यक्तिको किर्ते सहीछाप गरी सामाजिक सुरक्षा भत्ता बापतको रकम एक लाख ६४ हजार निकाली हिनामिना गरेको आरोपमा मद्दा दायर गरेको जानकारी दिएको छ ।
मद्दा दायर हुनेमा मेलुङ गाउँपालिका–१ का वडाध्यक्ष इश्वर कोईराला, वडा कार्यालयका तत्कालीन वडा सचिव बिनय उप्रेती र वडा कार्यालयका कार्यालय सहायक दल बहादुर थापा रहेका छन् ।
FACEBOOK COMMENTS