सभापति भएपछि पहिलो पटक कांग्रेस कार्यालय जाँदै गगन थापा

यसअघि देउवा पक्षले गगन थापा नेतृत्वको काँग्रेसलाई पार्टी कार्यालय जान नदिने भन्दै रातभर सानेपामै बसेका थिए

काठमाडौं । नेपाली कांग्रेसका सभापति गगन थापाले शुक्रबार पार्टी कार्यालय सानेपा गएर कार्यभार सम्हाल्ने भएका छन् ।

थापाले शुक्रबार १ बजे सानेपा पुगेर कार्यभार सम्हाल्ने कार्यक्रम तय भएको हो ।

दोस्रो विशेष महाधिवेशनबाट निर्वाचित भएका थापासहितको कार्यसमितिले कार्यभार सम्हालेलगत्तै कार्यसमितिको बैठक पनि बस्ने बताइएको छ ।

धेरै जस्तो केन्द्रीय समितिका सदस्यहरू निर्वाचनका लागि जिल्लामा भएकाले काठमाडौँमा उपलब्ध केन्द्रीय सदस्यहरू बैठकमा सहभागी हुने प्रवक्ता देवराज चालिसेले जानकारी दिएका छन् ।

गत पुस ३० मा थापाको नेतृत्वमा कांग्रेसको नयाँ कार्यसमिति निर्वाचित भएको थियो । निर्वाचित भएपछि दुई वटा केन्द्रीय कार्यसमिति र संसदीय बोर्डको बैठक पार्टी प्यालेस र होटेलमा बसेको थियो ।

विशेष महाधिवेशनबाट निर्वाचित कार्यसमितिलाई निर्वाचन आयोगले मान्यता दिएपछि देउवा पक्ष सर्वोच्च अदालत गएको थियो । सर्वोच्चले अन्तरिम आदेश दिन अस्वीकार गर्दै दुवै पक्षलाई छलफलमा बोलाएपछि थापा नेतृत्वको कार्यसमिति पार्टी कार्यालय जाने बातावरण बनेको हो ।

यसअघि देउवा पक्षले गगन थापा नेतृत्वको काँग्रेसलाई पार्टी कार्यालय जान नदिने भन्दै रातभर सानेपामै बसेका थिए ।

Shorts

विदेशमा बस्ने नागरिकलाई पनि नागरिकता दिनुपर्छ

२३ गतेको घ*ट*नाले २४ गतेको अबस्था सिर्जना गरेको हो : रक्षा बम

हेलिकप्टरमा मुख्यमन्त्रीको वनभोज

देशलाई युक्रेन बनाउने ष*ड्य*न्त्र रचिदैछ: झलनाथ खनाल

निजी क्षेत्रका संरचना पुन: निर्माण भएमा फेरी ज*ल्दै*नन् भनेर सरकार ज्ञारेन्टी दिन्छ

जेन्जीले उठाएका माग जायज थिए

लगानीमैत्री नीति नहुँदा युवा विदेश पलायन भैइरहेका छन्

जेन्जी आ*न्दो*लनले पुराना दललाई पाठ सिकाएको छ

चितवन निलो क्रान्तिको उद्गम स्थल हो

ओलीको उखान टुक्कामा पीएचडी