गृह जिल्ला झापा पुगे ओली, एक साता आफ्नो निर्वाचन क्षेत्रमा बस्ने

विराटनगर । नेकपा (एमाले)का अध्यक्ष केपी शर्मा ओली आज आफ्नो निर्वाचन क्षेत्र झापा ५ आइपुगेका छन् । चन्द्रगढी विमानस्थलबाट उनी बिर्तामोड हुँदै निर्वाचन क्षेत्र नम्बर ५ मा आएका हुन् ।

उनलाई प्रतिनिधि सभाका निवर्तमान सभामुख देवराज घिमिरे लगायतका एमालेका नेता तथा कार्यकर्ताहरूले स्वागत गरे । विमानस्थलमा पुगेका सञ्चारकर्मीसँग एमाले अध्यक्ष ओलीले झापाको निर्वाचनका विषयमा भइरहेका कामका बारेमा सुझाव मागे ।

उनले शन्ती सुरक्षाको अवस्था र निर्वाचनको वातावरणका विषयमा पत्रकारहरूको प्रतिक्रिया सुनेपछि एमाले मय झापा र एमाले मय देश बनाउन सहयोग गर्न अपिल गरे । उनले पत्रकारसँग संक्षिप्त कुरा गर्दै भने ‘अहिले देश विषम परिस्थितमा पुगेको छ । देशलाई जोगाउन एमालेमय झापा र एमालेमय देश बनाउन आवश्यक छ ।’ उनले यस पटक झापा ओलीमय भएको दाबी गरे ।
एमाले अध्यक्ष ओली फागुन २१ गतेका लागि हुने प्रतिनिधि सभा निर्वाचनको मनोनयन दर्ता गराउन आएका माघ ५ गते झापा आएका थिए । उनी माघ ९ गते काठमाडौँ फर्किएका थिए ।
झापा आएका एमाले अध्यक्ष ओली एक साता आफ्नो निर्वाचन क्षेत्रमा बस्ने कार्यक्रम रहेको छ । एमाले झापा सचिव तुलसी कार्कीले अध्यक्ष एक साता आफ्नो निर्वाचन क्षेत्रमा बस्ने बताए ।

Shorts

विदेशमा बस्ने नागरिकलाई पनि नागरिकता दिनुपर्छ

२३ गतेको घ*ट*नाले २४ गतेको अबस्था सिर्जना गरेको हो : रक्षा बम

हेलिकप्टरमा मुख्यमन्त्रीको वनभोज

देशलाई युक्रेन बनाउने ष*ड्य*न्त्र रचिदैछ: झलनाथ खनाल

निजी क्षेत्रका संरचना पुन: निर्माण भएमा फेरी ज*ल्दै*नन् भनेर सरकार ज्ञारेन्टी दिन्छ

जेन्जीले उठाएका माग जायज थिए

लगानीमैत्री नीति नहुँदा युवा विदेश पलायन भैइरहेका छन्

जेन्जी आ*न्दो*लनले पुराना दललाई पाठ सिकाएको छ

चितवन निलो क्रान्तिको उद्गम स्थल हो

ओलीको उखान टुक्कामा पीएचडी