आइतबार, चैत १५, २०८२
कर्पोरट खबर
7:36 pm, मंगलबार, चैत १०, २०८२
काठमाडौं । नेपाली कांग्रेसको केन्द्रीय कार्यसमितिको आजको बैठक सकिएको छ ।
पार्टी प्रवक्ता देवराज चालिसेका अनुसार आजको बैठकमा २८ जना केन्द्रीय सदस्यहरुले धारणा राखेका छन् ।
बैठकमा १५औँ नियमित महाधिवेशन तयारी, संविधान संशोधन अध्ययनका लागि विज्ञ समिति गठन, उम्मेदवारसँग प्रदेशस्तरीय निर्वाचन समीक्षा, प्रदेश तथा स्थानीय सरकारको प्रभावकारी सञ्चालन र भ्रातृ सङ्घ, शुभेच्छुक संस्था तथा जनसम्पर्क समिति लगायतका विषयमा केन्द्रीय सदस्यहरूले धारणा राखेका थिए ।
आजको बैठकको सुरुमा सभापति गगनकुमार थापाले अगामी भदौ २४, २५ र २६ गतेसम्म १५औँ अधिवेशन गर्ने कार्यतालिका प्रस्ताव गरेका छन् ।
केन्द्रीय सदस्यहरुले बोल्नेक्रम नसकिएकाले बैठक बुधबार बिहान ११ बजे फेरि बस्नेगरी स्थगित भएको प्रवक्ता चालिसेले जानकारी दिएका छन् ।
FACEBOOK COMMENTS