मंगलबार, वैशाख २९, २०८३
कर्पोरट खबर
2:56 pm, मंगलबार, वैशाख २९, २०८३
काठमाडौं । नेपाली कम्युनिस्ट पार्टी (नेकपा) का संयोजक पुष्पकमल दाहाल प्रचण्डले संविधान संशोधन केका लागि भन्नेमा प्रस्ट हुनुपर्ने बताएका छन् ।
मंगलबारको प्रतिनिधिसभा बैठकमा उनले सरकारले संशोधनको छलफल गर्न लागेको हो भने कसका लागि भन्नेमा प्रस्ट हुनुपर्ने बताए ।
“सरकारले संविधान संशोधनका लागि छलफल सुरु गर्न खोजेको हो भने १० वर्षपछि संविधानको समीक्षा संविधानमा नै उल्लेख छ, कसका लागि संशोधन ? के–का लागि संशोधन प्रस्ट हुनुपर्छ,” उनले भने ।
प्रचण्डले संविधान संशोधनले लोकतन्त्रलाई अझ सुदृढ गर्नुपर्ने बताए ।
“संविधान संशोधन एकदमै संवेदनशील र गम्भीर विषय हो । यसमा हल्का ढंगले लिने गल्ती कसैले पनि गर्न हुँदैन । यसले ठूलो विवेक, छलफल र संयमको माग गर्दछ,” उनले भने ।
