आइतबार, जेठ २४, २०८३
कर्पोरट खबर
7:49 am, आइतबार, जेठ २४, २०८३
काठमाडौं । पोर्चुगलले विश्वकप फुटबल अघिको मैत्रीपूर्ण खेलमा चिलीलाई पराजित गरेको छ । गएराती सम्पन्न खेलमा पोर्चुगलले चिलीलाई २-१ गोल अन्तरले पराजित गरेको हो ।
पोर्चुगलको जितमा गोन्कालो गुएडेस र ब्रुनो फर्नानडेजले एक एक गोल गरेका थिए भने चिलीका लागि लुकास केपेडाले एक गोल गरेका थिए ।
यस खेलमा पहिलो हाफको इन्जुरी समयमा पोर्चुगलका राफेल लियो र चिलीका इभन रोमानले रातो कार्ड पाएपछि दुवै टिम १०-१० खेलाडीमा सिमित भएका थिए ।
पोर्चुगलले अब विश्वकप अघि जुन ११ मा नाइजेरियासँग मैत्रीपूर्ण खेल खेल्ने छ भने विश्वकपको पहिलो खेलमा जुन १७ मा डिआर कंगोविरुद्ध खेल्ने तालिका रहेको छ ।
