शुक्रबार, कात्तिक २०, २०८३
कर्पोरट खबर
11:31 am, शुक्रबार, कात्तिक २०, २०८३
काठमाडौं । आशुतोष इनर्जी लिमिटेडले सर्वसाधारणका लागि प्रारम्भिक सार्वजनिक निष्कासन (आईपीओ) जारी गर्ने अनुमति पाएको छ।
नेपाल धितोपत्र बोर्ड (सेबोन) ले कम्पनीलाई १२ लाख कित्ता साधारण सेयर निष्कासन गर्न स्वीकृति दिएको हो।
बोर्डले कात्तिक २० गते कम्पनीलाई आईपीओ निष्कासनका लागि विवरणपत्र प्रकाशन गर्ने अनुमति प्रदान गरेको हो। कम्पनीले प्रतिकित्ता १०० रुपैयाँ अंकित मूल्यमा कुल १२ लाख कित्ता सेयर निष्कासन गर्नेछ। यसअनुसार कम्पनीले आईपीओमार्फत १२ करोड रुपैयाँ पुँजी संकलन गर्नेछ।
कम्पनीले निष्कासन गर्ने सेयर आयोजना प्रभावित क्षेत्रका स्थानीय बासिन्दा तथा सर्वसाधारणका लागि छुट्याएको छ। यद्यपि, दुवै समूहका लागि छुट्टाछुट्टै कति कित्ता सेयर निष्कासन गरिने भन्ने विवरण भने सार्वजनिक भएको छैन। आशुतोष इनर्जीको आईपीओ निष्कासन तथा बिक्री प्रबन्धकको जिम्मेवारी एनएमबी क्यापिटल लिमिटेडले पाएको छ।
धितोपत्र बोर्डबाट स्वीकृति पाएसँगै कम्पनीलाई आईपीओ निष्कासन गर्ने बाटो खुलेको छ। अब कम्पनीले निष्कासनको विस्तृत तालिका सार्वजनिक गरेपछि सेयर बिक्री प्रक्रिया अघि बढ्नेछ।
