उत्कृष्ठ पाँचमा काठमाडौं

‘बेष्ट ट्राभल २०१९, टप सिटिज्’को सुचिमा काठमाडौं शिर्ष पाँचमा परेको छ ।

विश्वका पर्यटकीय गन्त्व्यको बारेमा जानकारी दिने वेब पोर्टल लोन्ली प्लानेटले सन् २०१९ मा घुम्न लायक विश्वका उत्कृष्ट १० शहरहरुको सूची सार्वजनि गरेको सुचिमा काठमाडौं उत्कृष्ट ५ मा परेको हो ।

लोन्ली प्लानेटले २०१५ मा आएको भूकम्पबाट टुटेको र शोकमा रहेको काठमाडौं शहर पुनर्निमाणपछि अहिले पर्यटकलाई स्वागत गर्न तम्तयार रहेको बताएको छ । बौद्ध स्तुपासहितका आकर्षक तस्वीरहरु राखेर उपत्यकाका विभिन्न पर्यटकीय स्थानको बारेमा उक्त लेखमा जानकारी दिईएको छ ।

लोन्ली प्लानेटको उत्कृष्ट दश सूचीमा क्रमशः डेनमार्कको कोपनहेगन, चीनको सेनचेन, सर्वियाको नोवी साद, अमेरिकाको मियामी, नेपालको काठमाडौँ, मेक्सिकोको मेक्सिको सिटी, सेनेगलको दाकार, अमेरिकाको सियाटल, क्रोएसियाको जादार र मोरक्कोको मेक्नेस शहर रहेका छन् ।