नेपाल स्काउटलाई सांग्रिला बैंकको ज्याकेट सहयोग

काठमाडौं, पुस ३ – सांग्रिला डेभलपमेन्ट बैंकले प्रदेश ३ को भक्तपुुरस्थित नेपाल स्काउट मध्यपुर थिमि स्थानीय परिषद्लाई ज्याकेट हस्तान्तरण गरेको छ । बैंकले आफ्नो संस्थागत सामाजिक उत्तरदायित्वअन्ंतर्गत यस्तो सहयोग गरेको हो ।

सहयोगले नेपाल स्काउट मध्यपुर थिमिका स्वयंसेवकलाई जाडोयाममा आफ्नो दैनिक कार्य सम्पादनमा सहयोग पुग्नेछ ।

सांग्रिला डेभलपमेन्ट बैंकका प्रमुख सञ्चालन अधिकृत अपूर्वप्रसाद जोशीले नेपाल स्काउट मध्यपुर थिमिका स्थानीय आयुक्त हरिबहादुर श्रेष्ठलाई ज्याकेट हस्तान्तरण गरेका थिए ।