अब वैदेशिक रोजगार कार्यालयमा टोकन लाइन बस्नु नपर्ने

काठमाण्डौँ — वैदेशिक रोजगार कार्यालय ताहाचलबाट सेवा लिन अब लाइन बस्नु नपर्ने भएको छ ।

कार्यालयले आइतबारदेखि लागू हुने गरी अनलाइन टोकनमार्फत सेवा दिने तयारी गरेको छ।

वैदेशिक रोजगार कार्यालय ताहाचलका प्रमुख युवराज खतिवडाले आइतबारदेखि एकीकृत वैदेशिक रोजगार सूचना प्रणालीबाट सेवा प्रवाह गरिने जानकारी दिए ।

सरकारले असोज १५ गतेदेखि उक्त सेवा सुरु गरेपनि ताहाचलबाट उक्त सेवा सुरु हुन सकेको थिएन ।

सूचना प्रणाली अन्तर्गत सेवाग्राहीले राहदानी विभाग, वैदेशिक रोजगार कार्यालय, वैदेशिक रोजगार विभाग, अध्यागमन विभाग लागयतका सेवा एकैद्वारबाट पाउने छन् ।

आइतबारदेखि सेवाग्राहीले अनलाइन सिष्टममार्फत टोकन नम्बर (सिरियल नम्बर) र मिति पाउने उनले बताए ।

कार्यालयले एकदिनमा ९ सयदेखि ९ सय ५० जनासम्मलाई सजिलै सेवा दिन सक्ने जनाएको छ ।

— अन्नपुर्ण