चिसो अझै छ, आवश्यक सावधानी अपनाउनुस् : मौसम विभाग

काठमाडाैं, माघ २६- मौसम सामान्यतया सफा भएपनि चिसो अझै केही दिनसम्म रहिरहने भन्दै सावधानी अपनाउन मौसम विभागले आग्रह गरेको छ ।

सोमवार एक बुलेटिन सार्वजनिक गर्दै विभागले चिसो अझै रहिरहने र तराईका भूभागमा हुस्सु कुहिरोको अझै सम्भावना रहेको भन्दै सतर्कता अपनाउन आग्रह गरेको हो । 

विभागका अनुसार, अहिले नेपालमा कुनै उल्लेखनीय मौसमी प्रणाली सक्रिय छैन । 

सोमवार दिउँसो तथा राति सुदूर पश्चिम र कर्णाली प्रदेशका पहाडी भूभागमा आंशिक बदली रहने र बाँकी स्थानहरूमा मौसम सामान्यतया सफा रहने विभागको भनाइ छ ।