नेपाल एयरलाइन्सले अबको दुई महिनाभित्र जापानमा उडान सुरु गर्ने

काठमाडौँ — नेपाल वायुसेवा निगम (नेपाल एयरलाइन्स)ले अबको दुई महिनाभित्र जापानमा उडान सुरु गर्ने भएको छ।

जापान सरकारले नेपालीसहित विदेशी कामदारलाई भित्र्याउने नीति लागु गरेकै बेला सरकारले राष्ट्रिय ध्वजावाहक विमान जापानमा उतार्ने तयारी थालेको हो।

संस्कृति, पर्यटन तथा नागरिक उड्डयनमन्त्री रवीन्द्र अधिकारीले आगामी दुई महिनामा निगमका विमानले जापानसम्म उडान भर्ने जानकारी दिए।

प्रतिनिधिसभा सार्वजनिक लेखा समिति मातहतको उपसमितिको मंगलवारको बैठकमा बोल्दै मन्त्री अधिकारीले अबको दुई वर्षभित्रमा वायुसेवा निगमलाई साझेदारको व्यवस्थासहित सबैले आशा जगाउने गरी ठिक बाटोमा हिँडाउने प्रतिबद्धता पनि जनाए।

उनले इयुको कालोसूची पनि छिट्टै हट्ने र नेपाल एयरलाइन्सले युरोपमा उडान भर्ने स्पष्ट पारे।

— नागरीक