बालकृष्ण न्यौपानेको नयाँ गीत ‘चञ्चले मन’ सार्वजनिक

काठमाडौं, जेठ १० – पछिल्लो समय अमेरिकामा रहँदै आएका गायक, गीतकार तथा संगीतकार बालकृष्ण न्यौपानेको नयाँ गीत ‘चञ्चले मन’ सार्वजनिक भएको छ । गीतमा दि भ्वाइस अफ नेपाल प्रतियोगी गीता शर्मा र न्यौपाने कै स्वर रहेको छ । 
गीतको भिडियोमा भने प्रेम र रोमान्स प्रस्तुत गरिएको छ । काठमाडाैं उपत्यकामा छायाँंकन गरिएको भिडियो सिर्जन बरालले निर्देशन गरेका हुन् ।

भिडियोमा पुजन घिमिरे र पुष्कर दाहालको अभिनय रहेको छ । विष्णु अधिकारीको एरेन्ज, दीपक गिरीको छायाँकन रहेको भिडियोमा अमृत चापागाईँले सम्पादन र दुर्गा धिमाल न्यौपानेको निर्माण रहेको छ ।न्यौपानेका यसअघि ‘सोल्टिनी’, ‘बाहार बनी तिमी आयौ’लगायत दर्जन बढी गीत बजारमा आएका छन् ।