शेयर बजार स्थिर

भाद्र २४, काठमाडौं।  नेपाल स्टक एक्स्चेञ्ज(नेप्से)मा यो हप्ताको अन्तिम दिन विहीबार ०.६२ अंकले गिरावट भएर २ हजार ८ सय ७५ दशमलब ९८ विन्दुमा नेप्से इन्डेक्स पुगेको  छ ।  विहीबार नेप्सेमा ७ अर्ब ५० लाख बराबरको मात्रै कारोबार भएको छ । विहीबार जीवन बीमा कम्पनी, जलविद्युत कम्पनी र इन्भेष्टमेन्ट र ट्रेडिङ समूह बाहेक सबै समुहमा गिरावट देखिएको छ ।

(नेप्से)मा साताको चौथो कारोबारको दिन बुधबार समेत उच्च अंकको गिरावट आएको थियो  ।बुधबार ६०.०२ अंकले घटेर दुई हजार ८ सय ७६ दशमलब ५९ विन्दुमा थामिएको थियो।

बुधबार कोरोबार रकममा पनि ठुलो गिरावट आएको थियो । बुधबार ६ अर्ब ६४ करोड ६६ लाख बराबरको मात्र कारोबार भएको थियो । विहीबार सबैभन्दा बढी फाइनान्स समूहको सप इन्डेक्समा ३६.४३ अंकको गिरावट देखिएको छ ।