भारतमा ३ सय ८३ जनाको कोरोना संक्रमणका कारण मृत्यु

असोज ६, काठमाडौँ । भारतमा पछिल्लो २४ घन्टामा कोभिड १९ का २६ हजार ९ सय ६४ नयाँ संक्रमित पहिचान भएको छ। यस अवधिमा संक्रमणकै कारण भारतमा ३ सय ८३ जनाले ज्यान गुमाएको समाचार एजेन्सी एएनआईले जनाएको छ। साथै यस अवधिमा ३४ हजार १ सय ६७ जना संक्रमणमुक्त भएका छन् ।

यससँगै भारतमा एक्टिभ संक्रमितको संख्या पछिल्लो १ सय ८६ दिनकै सबैभन्दा कम हुन पुगेको छ ।  यसले कोरोना भाइरसको संक्रमण भारतमा क्रमश घट्दै गएको देखाउँछ। भारतमा आज एक्टिभ संक्रमितको संख्या ३ लाख १ हजार ९ सय ८९ रहेका छन् ।

अहिलेसम्म भारतमा संक्रमणमुक्त हुनेको संख्या ३ करोड २७ लाख ८३ हजार ७ सय ४१ पुगेको छ ।

साथै, ४ लाख ४५ हजार ७ सय ६८ जनाको संक्रमणकै बिच मृत्यु भएको छ। अहिलेसम्म भारतमा ८२ करोड ६५ लाख १५ हजार ७ सय ५४ जनाले कोभिड १९ विरुद्धको खोप लगाइसकेका छन्।