मानुषी लघुवित्त वित्तीय संस्था लिमिटेड सूचीकृत भएर पनि किन भएन शेयर कारोबार?

काठमाडौं, १२ असोज – भदौ ७ गतेनै बाँडफाँट भएको मानुषी लघुवित्त वित्तीय संस्था लिमिटेडको शेयर असोज १० गते आइतवार सूचीकृत भएको थियो । बाँडफाँट भएको एक महिनापछि सूचीकृत भएको कम्पनीको शेयर सोमवारदेखिनै कारोबारयोग्य भएपनि मंगलवार सम्म पनि कारोबार हुन सकेको छैन् ।

आइतवारनै नेपाल स्टक एक्सचेञ्ज नेप्से मा शेयर सूचीकृत भएपनि सोमवारसम्म सम्बन्धीत शेयरधनीहरुको हितग्राही खातामा शेयर जम्मा भएको थिएन । सोमवार साझसम्म शेयरधनीहरुको हितग्राही खातामा शेयर जम्मा भैसकेको अवस्थामा मंगलवार भने प्रि ओपनिङ्ग सेसनमा कम्पनीको मूल्य म्याच नहुदाँ नियमित सेसनमा कारोबार नभएको नेप्सेको भनाई छ ।