मृत भेटिए ‘ब्रिटेन्स गट ट्यालेन्ट’का डेविड

लण्डन । रियालिटी शो ‘ब्रिटेन्स गट ट्यालेन्ट’का १२ पटक अडिसन दिइसकेका जादूगर डेविड वाटसन मृत भेटिएका छन् । डेविड घरमै मृत अवस्थामा भेटिएका हुन् । ६२ वर्षे डेविड चेशायरस्थित एल्ट्रचिममा बस्थे ।

उनको निधन गत बिहीबार भएको हो । डेविडको परिवारले उनलाई कैयौं पटक फोन र सन्देश पठाउदा कुनै प्रतिक्रिया नजनाएपछि परिवारले प्रहरीलाई खबर गरेका थिए । प्रहरी सूचना पाउनासाथ डेविडको घर पुगेको थियो । जहाँ उनि मृत भेटिएका थिए ।

डेविडले ‘ब्रिटेन्स गट ट्यालेन्ट’ शोमा १२ पटक अडिसनको रेकर्ड बनाएका छन् । उनी सन् २००८ मा पहिलोपटक यो शोमा आएका थिए ।