किन पक्राउ परे पूर्वसांसद ढाका कुमार श्रेष्ठ ?

काठमाडौं । राष्ट्रिय स्वतन्त्र पार्टी रास्वपाका पूर्वसांसद ढाका कुमार श्रेष्ठ पक्राउ परेका छन् ।

श्रेष्ठलाई पोखराबाट पक्राउ गरिएको कास्की प्रहरीले जनाएको छ ।

पोखरा महानगरपालिका–९ स्थित पृथ्वी चोकमा श्रेष्ठले सञ्चालन गरेको दिया फार्मेसीबाट प्रतिबन्धित ट्रामाडोल बेचबिखन गरेको पाइएपछि पक्राउ गरेको बताइएको छ ।
प्रहरीका अनुसार औषधी किन्ने ग्राहकले दिएको बयानका आधारमा उनी पक्राउ परेका हु्न् ।

साउन ३ गते रोल्पाको त्रिवेणी गाउँपालिका–७ का ४२ वर्षीय प्रकाश थापा मगर पक्राउ परेका थिए । उनको साथबाट प्रहरीले ९७ थान ट्रामाडोल बरामद गरेको थियो । त्यो दिया फार्मेसीबाट खरिद गरेको बयान दिए पछि बयानको आधारमा अदालतबाट पक्राउ गर्न अनुमति लिएर डा. श्रेष्ठलाई पक्राउ गरिएको बताइएको छ ।