नेपाली सडकमा फेरि देखा पर्‍यो इकुटर इलेक्ट्रिक स्कुटर

काठमाडाैँ । केहि वर्षअघि नेपाली बजारमा गुणस्तरीय उत्पादनका रूपमा चिनिएको इकुटर इलेक्ट्रिक स्कुटर फेरि नेपाली सडकमा देखा परेको छ। प्राप्त जानकारी अनुसार, यो स्कुटरलाइ (Zero Emission Ride N) ले नेपाली बजारमा पुनः प्रस्तुत गरेको हो।

हालै नेपाली सडकमा स्कुटरको परीक्षण गरिरहेको फोटो सार्वजनिक भएको छ। यस विषयमा थप जानकारी लिन खोज्दा जिरो इमिसन राइड एनका  बजार व्यवस्थापक प्रमुख  शंकर शर्माले यस इकुटरको पुनरागमनको भएको जानकारी दिए । उनका अनुसार इकुटरलाई उचित मूल्यमा छिट्टै नेपाली बजारमा ल्याइने छ । शर्माका अनुसार अहिले स्कुटरको अर्थात् आन्तरिक परीक्षण भइरहेको छ। यो परीक्षणले इकुटरको नेपाली भूभागमा प्रदर्शन र टिकाउपनाको आकलन गर्न मद्दत गर्नेछ।

जिरो इमिसन राइड एन जो नेपालका लागि लुयुआन इलेक्ट्रिक स्कुटरको आधिकारिक वितरक पनि हो । जसले विद्युतीय सवारी साधन बजारमा उच्च प्रतिष्ठा राख्दछ। यसको डिलर र सर्भिस नेटवर्क नेपालमा नम्बर १ मानिन्छ, जसले ग्राहकहरूलाई गुणस्तरीय सेवा र समर्थन प्रदान गरिरहेको छ। इकुटरको को पुनरागमनले नेपाली बजारमा विद्युतीय स्कुटरको प्रतिस्पर्धालाई थप बलियो बनाउने विश्वास गरिएको छ। यसले नेपाली उपभोक्ताहरूलाई गुणस्तरीय, टिकाउ र वातावरणमैत्री यातायातको थप विकल्प प्रदान गर्नेछ।

अब सबैको ध्यान इकुटर स्कुटरको मूल्य र यसको विशेषतामा छ। जिरो इमिसन राइड एन यो स्कुटरलाई उच्च गुणस्तरका साथ उचित मूल्यमा उपलब्ध गराउने विश्वास दिलाएको छ। नेपाली सडकमा ‘स्कुटर’ स्कुटरको पुनरागमनले विद्युतीय सवारी साधन क्षेत्रलाई नयाँ उचाइमा पुर्याउने अपेक्षा गरिएको छ।