‘नाडा अटो शो’ मै मनाइयो फोटोनको २८औं वार्षिकोत्सव

काठमाडौं । सवारी साधन निर्माता कम्पनी फोटोनले आफ्नो २८औं वार्षिकोत्सव विश्वभर विभिन्न कार्यक्रम गरी मनाएको छ ।

नेपालमा यो अवसरलाई एमएडब्लू वृद्धि कमर्सियल भेहिकलले नाडा अटो शोमा एक समारोहका बीच मनाएको छ ।

फोटोनले नेपाली बजारमा कुशल र भरपर्दो व्यावसायिक सवारी साधन उपलब्ध गराउने आफ्नो प्रतिबद्धतालाई थप उजागर गर्दै नाडा अटो शोमा आफ्नो वार्षिकोत्सव भव्यताका साथ मनाएको जनाएको छ ।

कार्यक्रममा एमएडब्लू वृद्धिका अध्यक्ष विष्णु अग्रवाल र प्रबन्ध निर्देशक विवेक सिकरिया, सीईओ तुषार गुप्तालगायत फोटन नेपालका प्रमुख अधिकारीहरूको उपस्थिति रहेको थियो ।

एमएडब्लू वृद्धि कमर्सियल भेहिकल, फोटोन मोटर्सको आधिकारिक वितरक (चीनको नम्बर १ कमर्सियल भेहिकल निर्माता) ले हाइरूफ ईभी भ्यान, टुनल्याण्ड र टीएम वानजस्ता कुशल र भरपर्दो सवारी साधनहरूको रेन्ज प्रदान गर्दछ ।