कीर्तिमानी विन्दुमा पुगेर घट्यो सुनको मूल्य, कतिमा हुँदैछ खरिद-बिक्री ?

काठमाडौँ । स्थानीय बजारमा आज सुनको मूल्य प्रतितोला छ सय रूपैयाँले घटेको छ । लगातार उकालो लाग्दै आएको सुनको मूल्यमा आज सामान्य गिरावट आएको हो ।

नेपाल सुनचाँदी व्यवसायी महासङ्घका अनुसार शुक्रबार प्रतितोला एक लाख ६१ हजार दुई सय रूपैयाँमा कारोबार भएको छापावाल सुन आजका लागि भने एक लाख ६० हजार छ सय रूपैयाँ निर्धारण भएको छ ।

यस्तै चाँदीको मूल्य तोलामा १० रूपैयाँले घटेको छ । शुक्रबार प्रतितोला एक हजार नौ सय ५५ रूपैयाँमा कारोबार भएको चाँदी आजका लागि भने एक हजार नौ सय ४५ रूपैयाँ निर्धारण भएको छ ।