पत्रकार विक्रम सुनारले ल्याए सांगीतिक काेसेली ‘निगाली झाँपो’ (भिडिओ)

काठमाडौं । आर्थिक पत्रकार विक्रम सुनारको आवाजमा ‘निगाली झापो’ म्युजिक भिडिओ बजारमा आएको छ । सुनार र गायिका प्रीति आलेको आवाजमा रहेको उक्त म्युजिक भिडिओ कमल थापा युट्युब च्यानलमार्फत सार्वजनिक गरिएको हो ।

सुनारले यसअघि पनि आफ्ना केही गीतहरू बजारमा ल्याइसकेका छन् । ‘निगाली झाँपो’ को लय तथा शब्द सिर्जना कलाकार भुवन बिकेले गरेका हुन् । गीतमा भुवन बिकेले नै संगीत संयोजन गरेका छन् ।

म्युजिक भिडिओमा अस्मिता रनपाल, यशु भट्टराई, अजय बिके, भुवन बिके, विक्रम सुनारलगायतलाई देख्न सकिन्छ ।

म्युजिक भिडिओ निर्देशन कमल थापाले गरेका छन् भने छायांकन सुमन थापा र विकास थापाले गरेका छन् । भिडियो सम्पादन भने सुमन थापाले गरेका हुन् ।

 हेर्नुहाेस् भिडिओ