सोमबार, मंसिर १, २०८२
कर्पोरट खबर
4:03 pm, सोमबार, मंसिर १, २०८२
काठमाडौं । बङ्गलादेशकी पूर्वप्रधानमन्त्री शेख हसिना र पूर्वगृहमन्त्री असदुज्जमान खान कमललाई मृत्युदण्डको सजाय सुनाएको छ ।
अन्तर्राष्ट्रिय अपराध न्यायाधिकरणले पूर्वप्रधानमन्त्री हसिना र पूर्वगृहमन्त्री कमललाई मानवताविरुद्ध आरोपमा दोषी ठहर गर्दै मृत्युदण्डको सजाय सुनाएको हो ।
त्यस्तै, तत्कालिन प्रहरी महानिरीक्षक चौधरी अब्दुल्लाह अल–मामुनलाई यस मुद्दामा पाँच वर्षको जेल सजाय सुनाइएको छ । चौधरीलाई राज्यको साक्षी बसेको आरोप लगाइएको छ ।
न्यायाधीश मोहम्मद गोलाम मोर्तुजा मोजुमदारको नेतृत्वमा रहेको तीन सदस्यीय न्यायाधिकरणले ४५३ पृष्ठको फैसला सुनाएको हो । हसिनाले मानवताविरुद्धको अपराध र युद्ध अपराधको मुद्दाको सामना गरेकी थिइन् । हसिनालाई हत्या, अपराध रोक्न असफलता र मानवताविरुद्धको अपराधको आरोपमा दोषी ठहर गरिएको हो ।
हसिनाको फैसलाको प्रतिक्रियामा देशभर हिंसा जारी छ । सरकारले उच्च सतर्कता घोषणा गरेको छ । ढाकामा १५ हजार प्रहरी तैनाथ गरिएको छ र हिंसात्मक प्रदर्शनकारीहरूमाथि गोली चलाउन आदेश दिइएको छ ।
शनिबार रातिदेखि आइतबार बिहानसम्म ढाकामा दुईवटा बसमा आगजनी गरिएको थियो । फैसलापछि थप हिंसा हुने आशङ्कामा देशभर सुरक्षा व्यवस्था कडा पारिएको छ ।
FACEBOOK COMMENTS