शुक्रबार, असोज १०, २०८२
कर्पोरट खबर
10:18 am, शनिबार, भदौ २१, २०८२
ललितपुर । ललितपुरको हरिसिद्धीमा प्रदेशमन्त्री सवार रहेको गाडीले ठक्कर दिँदा एक बालिका घाइते भएको घटनापछि सडक अवरुद्ध भएको छ । मन्त्रीको गाडीले बालिकालाई ठक्कर दिएपछि आक्रोशित स्थानीयले सडक अवरुद्ध गरेर विरोध गरिरहेका छन् ।
प्रहरीका अनुसार घाइते बालिकाको बि एण्ड बि अस्पतालमा उपचार भइरहेको र उनको अवस्था सामान्य रहेको छ ।
ललितपुरको गोदावरीमा एमालेको विधान महाधिवेशनतर्फ गइरहेको कोशी प्रदेशका आर्थिक मामिला तथा योजना मन्त्री राम राना सवार गाडीले हरिसिद्धी मावि अगाडि बालिकालाई ठक्कर दिएको थियो ।
ठक्कर दिएपछि आक्रोशित स्थानीयले सातदोबाटो–गोदावरी सडक अवरुद्ध गरेका छन् । स्थानीयले ट्राफिक प्रहरीले मन्त्री सवार गाडीलाई नरोकी सहजै जान दिएको भन्दै आक्रोश व्यक्त गरेका छन् । उनीहरुले कानुन सबैलाई बराबर हुनुपर्ने भन्दै सडक अवरुद्ध गरेका छन् ।
ललितपुर प्रहरीले सडक खुलाउन स्थानीयसँग छलफल भइरहेको जानेको छ ।
FACEBOOK COMMENTS