बिहीबार, साउन १४, २०८३
कर्पोरट खबर
1:43 pm, बिहीबार, साउन १४, २०८३
काठमाडौं । नेपाली अटोमोबाइल बजारमा दुई पाङ्ग्रे (स्कुटर र मोटरसाइकल) बजारमा जापानी ब्रान्ड सुजुकीले निकै लामो समयदेखि बलियो पकड बनाएको छ।
सुजुकीका बाइक र स्कुटरहरू मुख्यतया दमदार जापानी इन्जिन, उत्कृष्ट माइलेज, आरामदायी यात्रा र सस्तो मर्मत खर्चका लागि नेपालभरि निकै रुचाइन्छन्।
नेपालमा भीजी अटोमोबाइल्स प्रा. लि.ले सुजुकीका दुई पाङ्ग्रे सवारी साधनहरूको आधिकारिक बिक्री–वितरण गर्दै आएको छ।
नेपालमा सुजुकीको स्कुटर अन्तर्गत सुजुकी एक्सेस १२५, सुजुकी एभेनिस १२५ र सुजुकी बर्गम्यान स्ट्रिट १२५ जस्ता मोडलहरू रहेका छन्।
सुजुकी एक्सेस १२५
सुजुकी एक्सेस १२५ नेपालमा १२५ सीसी सेग्मेन्टमा सबैभन्दा बढी बिक्री हुने र विश्वास गरिएको क्लासिक/रेट्रो लुक भएको स्कुटर हो।
यसमा १२४ सीसी एफआई इन्जिन, आरामदायी लामो सिट, ठूलो अन्डर–सिट स्टोरेज, डिजिटल–एनालग मिटर, एलइडी हेडल्याम्प र ब्लूटूथ कनेक्टिभिटी (नेभिगेसन/कल/एसएमएस अलर्ट) जस्ता फिचरहरू उपलब्ध रहेका छन्।
नेपाली बजारमा यसको मूल्य भेरियन्ट अनुसार २ लाख ७९ हजार ९ सय देखि २ लाख ९९ हजार ९ सय सम्म पर्छ।
सुजुकी एभेनिस १२५
सुजुकी एभेनिस १२५ स्पोर्टी डिजाइन मन पराउनेहरूका लागि लक्षित गरेर ल्याइएको मस्कुलर र एग्रेसिभ स्कुटर हो।
यसमा १२४ सीसी एफआई इन्जिन, स्पोर्टी बडी ग्राफिक्स, बाहिरैबाट तेल भर्न मिल्ने सुविधा, डिजिटल कन्सोल, यूएसबी चार्जिङ पोर्ट र डुअल टोन कलर उपलब्ध रहेका छन्। यसको मूल्य ३ लाख ९ हजार सम्म पर्छ।
सुजुकी बर्गम्यान स्ट्रिट १२५
युरोपेली म्याक्सी–स्कुटर शैलीमा बनेको एकदमै प्रिमियम र अति आरामदायी स्कुटरका रूपमा सुजुकी बर्गम्यान स्ट्रिट १२५ परिचित छ।
१२४ सीसी एफआई इन्जिन, फराकिलो फुटबोर्ड (खुट्टा तानेर बस्न मिल्ने), विन्डस्क्रिन, विशाल बुट स्पेस, अगाडि ग्लोभ बक्स, फुल डिजिटल मिटर र एलइडी लाइट जस्ता फिचरहरू यसमा पाइन्छन्। यसको मूल्य नेपाली बजारमा ३ लाख २४ हजार सम्म निर्धारण गरिएको छ।
सुजुकीका कम्युटर र क्रुजर बाइक अन्तर्गत सुजुकी हयाते इपी, सुजुकी इन्ट्रुडर १५० जस्ता मोडलहरू उपलब्ध रहेका छन्।
सुजुकी हयाते इपी
सुजुकीको हयाते इपी सबैभन्दा सस्तो र बढी माइलेज दिने ११० सीसीको बाइकको रूपमा डिजाइन गरिएको छ।
यसमा ११० सीसी इन्जिन, सुजुकी इको पर्फर्मेन्स प्रविधि, लामो र आरामदायी सिट, कम मर्मत खर्च र उत्कृष्ट माइलेज जस्ता फिचरहरू रहेका छन्। यसको मूल्य २ लाख २४ हजार सम्म पर्छ।
सुजुकी इन्ट्रुडर १५०
हेभी र युनिक क्रुजर लुक मन पराउनेहरूका लागि बनाइएको आरामदायी बाइक हो सुजुकी इन्ट्रुडर १५०।
१५५ सीसी एफआई इन्जिन, ब्याकरेस्टसहितको आरामदायी राइडिङ पोजिसन, सिंगल च्यानल एबीएस, डिजिटल इन्स्ट्रुमेन्ट कन्सोल र ट्वीन–एग्जोस्ट (साइलेन्सर) डिजाइन। यसको मूल्य ३ लाख ३० हजार सम्म पर्छ।
सुजुकीका स्पोर्टी एड्भेन्चर बाइक अन्तर्गत सुजुकी जिक्सर १५० / जिक्सर एसएफ १५०, सुजुकी जिक्सर २५०/ जिक्सर एसएफ २५० र सुजुकी भि–स्ट्रोम एसएक्स २५० जस्ता मोडलहरू रहेका छन्।
सुजुकी जिक्सर १५०/जिक्सर एसएफ १५०
१५० सीसी सेग्मेन्टमा आफ्नो मस्कुलर लुक र उत्कृष्ट ह्यान्डलिङका लागि नेपालका युवाहरूमाझ निकै चर्चित बाइक हो।
यो जिक्सर र जिक्सर एसएफ दुवै अवतारमा उपलब्ध छ।
यसमा १५५ सीसी एफआई इन्जिन, सिंगल च्यानल एबीएस, एलइडी हेडलाइट तथा टेललाइट, डिजिटल कन्सोल र स्पोर्टी स्प्लिट सिट जस्ता फिचरहरू रहेका छन्। यसको मूल्य ४ लाख ७ हजार सम्म पर्छ।
सुजुकी जिक्सर २५०/जिक्सर एसएफ २५०
सुजुकी जिक्सर २५०/जिक्सर एसएफ २५०, २५० सीसी सेग्मेन्टमा उच्च पर्फर्मेन्स, मस्कुलर बडी र स्पीड खोज्नेहरूका लागि तयार पारिएको प्रिमियम स्पोर्ट्स बाइक हो।
२४९ सीसी आयल–कुल्ड इन्जिन, २६.५ पीएस पावर, ६ स्पीड गेयरबक्स, डुअल च्यानल एबीएस, चौडा टायर र मोटो साइलेन्सर डिजाइन जस्ता फिचरहरू यसमा उपलब्ध रहेका छन्।
नेपाली बजारमा जिक्सर २५० को ६ लाख ३५ हजार पर्छ भने जिक्सर एसएफको ६ लाख ३९ हजार पर्छ।
सुजुकी भि–स्ट्रोम एसएक्स २५०
लामो यात्रा, उकालो–ओरालो र कच्ची बाटोमा टुरिङ तथा अफ–रोडिङ गर्न बनाइएको सुजुकीको प्रिमियम एड्भेन्चर टुरर बाइक हो सुजुकी भि–स्ट्रोम एसएक्स २५०।
यसमा २४९ सीसी आयल–कुल्ड इन्जिन, १९ इन्चको अघिल्लो ह्विल, २०५ एमएमको उच्च ग्राउन्ड क्लियरेन्स, नक्कल गार्ड, विन्डसिल्ड, डुअल च्यानल एबीएस र ब्लूटूथ नेभिगेसन मिटर जस्ता फिचरहरू उपलब्ध रहेका छन्। यसको मूल्य ६ लाख ९ हजार देखि ६ लाख १९ हजार सम्म पर्छ।
दमदार इन्जिन र माइलेज दिने, भीजी सुजुकीको नेटवर्क भएकाले मर्मत–सम्भारमा कुनै समस्या नपर्ने, नेपाली बजारमा सुजुकीका बाइक र स्कुटरको सेकेन्ड ह्यान्ड भ्यालु पनि राम्रो पाइने भएकाले सुजुकीको छुट्टै पकड रहेको छ।
