थकाली लङ ग्रेन बास्मती चामल खरिदमा अब कार, मोटरसाइकल र अन्य उपहार

काठमाडौं । सेञ्चुरी फुडको थकाली लङ ग्रेन बास्मती चामलको हरेक बोरा खरिद गर्दा ग्राहकहरूले हात खाली नजानेगरी उपहारहरू पाउन सक्नेछन् । आँउदो चाडपर्वको उपलक्ष्यमा थकाली लङ ग्रेन बास्मती चामलले उक्त योजना ग्राहकहरूमाझ लिएर आएको हो ।

सो योजनाअन्तर्गत ग्राहकहरूले हरेक चामलको बोरामा हात खाली नजाने गरी उपहारहरू पाउन सक्नेछन् भने भाग्यशाली ग्राहकहरुले चामलको बोरा खरिदमा मोटरसाइकल देखि कारसम्म पनि पाउन सक्नेछन्।

शनिबार थकाली लङ ग्रेन बास्मती चामलले आयोजना गरेको डिलर्स मिटमार्फत उक्त योजनाको घोषणा गरेको हो । कम्पनीका अनुसार हरेक बोरामा आकर्षक उपहारहरू राखिएका छन् भने माइक्रोवेभ ओभन, वासिङ मेसिन, रेफ्रिजिरेटर, स्मार्टफोन, स्मार्टवाचका साथसाथै किचेन युटेन्सिल्स गरी विभिन्न प्रकारका उपहार ग्राहकहरूले‌ पाउन सक्नेछन् । साथसाथै केही भाग्यशाली ग्राहकहरूले थकाली लङ ग्रेन बास्मती चामलको खरीदमा उपहार स्वरुप मोटरसाइकल र गाडी पनि पाउन सक्नेछन् ।

उक्त कार्यक्रममार्फत नै कम्पनीले आफ्ना डिलरहरुको उल्लेखनीय योगदानको कदर गर्दै आफ्ना डिलर हरुलाई उनीहरूको दक्षताअनुसार थाइल्याण्ड, बाली तथा सिंगापुर भ्रमणलगायत एसियाकै लक्जरी क्रुजको आनन्द लिने व्यवस्था मिलाइएको कम्पनीले जनाएको छ । डिलरहरूको दक्षता र प्रतिबद्धताअनुसार डिलरहरूलाई थाइल्याण्ड वा बाली वा सिंगापुर भ्रमणमा पठाइने र साथसाथै उक्त भ्रमण अवधिभरको खाने-बस्ने सम्पूर्ण खर्च कम्पनीले व्यहोर्ने कम्पनीले जनाएको छ ।