फास्ट ट्रयाकको काम हेर्न दलबलसहित पुगे प्रधानमन्त्री प्रचण्ड

काठमाडाैं । निर्माणाधीन काठमाडौँ-तराई/मधेश द्रुर्तमार्गको प्रधानमन्त्री पुष्पकमल दाहाल ‘प्रचण्ड’ले दलबलसहित अवलोकन गरेका छन् ।

राष्ट्रिय गौरवको सो परियोजना प्रधानमन्त्री प्रचण्डको दोस्रो कार्यकालमा नेपाली सेनालाई जिम्मेवारी दिएका थिए ।

मकवानपुरको बकैया वडा नम्बर ४ को राजदमार, वडा नम्बर १२ को लेनडाँडा तथा भीमफेदी-८ को महादेवटार क्षेत्रमा अवलोकनका लागि प्रधानमन्त्री पुगेका थिए । प्रधानमन्त्रीको साथमा उपप्रधान तथा रक्षामन्त्री पूर्णबहादुर खड्का, अर्थमन्त्री प्रकाशशरण महत, भौतिक पूर्वाधारमन्त्री प्रकाश ज्वाला, मुख्यसचिव शंकरदास बैरागी, केही सचिव र प्रधानसेनापति प्रभुराम शर्मालगायत पुगेका थिए ।

 

नेपाली सेनाको व्यवस्थापनमा निर्माण भइरहेको यो आयोजना काठमाडौंलाई तराई मधेससँग जोड्ने सबैभन्दा छोटो दूरीको आयोजनाका रूपमा लिइन्छ ।

काठमाडौँलाई तराई/मधेशसँग जोड्ने सबैभन्दा छोटो दुरीको सो आयोजना नेपाली सेनाको व्यवस्थापनमा निर्माण भइरहेको छ ।

राष्ट्रिय गौरवको आयोजनाको रूपमा रहेको द्रुत मार्ग अवलोकनको क्रममा प्रधानमन्त्री प्रचण्डले द्रुत मार्गको काम सन्तोषजनक रहेको बताए । द्रुत मार्गले नेपाली सडक सञ्जालमा ठूलो परिवर्तन ल्याउने भन्दै उनले यसको निर्माण कार्यमा सहजका सरकारले वाधा अड्चन फुकाइदिने प्रतिवद्धता जनाए ।

काठमाडौंको खोकनाबाट बाराको निजगढसम्मको द्रुतमार्ग ७२.५ किलोमिटर रहनेछ । चार लेनको उक्त सडक पहाडमा २५ मिटर तथा तराईमा २७ मिटरको चौडाइ हुनेछ । महादेवडाँडामा ३.३५५ किमी, धेद्रेमा १.६३० किमी र लेनडाँडामा १.४३० किमी गरी ६.४१५ किमी लामो सुरुङमार्ग निर्माण जारी रहेको द्रुतमार्ग सानाठूला गरेर ८७ वटा पुल निर्माण गरिने छन् भने प्यासेन्जर अन्डरपास १२, आभेरपास एउटा तथा सवारी अन्डरपास ५ र ओभरपास ४ वटा हुनेछ ।