अजिता भुजेलको हत्यामा संलग्न अभियुक्त पक्राउ

हेटौडा, माघ २१ – अजिता भुजेलको हत्यामा संलग्न ५ जना अभियुक्तलाई प्रहरीले आज सार्वजनिक गरेको छ

हेटौंडा उपमहानगरपालिका–११ की २९ बर्षीया अजिता भुजेलको हत्यामा संलग्न रहेका हेटौंडा उपमहानगरपालिकाकी २० वर्षीया एलिसा पाख्रिन, २४ वर्षीय आशिष बल, २१ वर्षीय बुद्ध लामा, १८ वर्षीय सिमोन परियार र २५ वर्षीय शुसिल थापा मगरलाई जिल्ला प्रहरी कार्यालय मकवानपुरले आज सार्वजनिक गरेको हो ।

मकवानपुरको क्याम्पाडाडाँमा गत माघ ४ गते बिहान तेस्रो लिंगी भुजेलको शव अर्धनग्न अवस्थामा फेला परेको थियो। उनीहरूले थानाभञ्याङमा ना ६ ख ६५२७ नम्बरको ट्रकभित्र भुजेलको हत्या गरेर क्याम्पाडाँडामा लगेर फालेको अनुसन्धानबाट खुलेको छ।