नयाँ सरकार गठनबारे छलफल गर्न देउवाले बोलाए बैठक

काठमाडौं, वैशाख २८ – नयाँ सरकार गठनबारे छलफल गर्न नेपाली कांग्रेसका सभापति शेरबहादुर देउवाले बैठक बाेलाएका छन् ।राष्ट्रपति विद्यादेवी भण्डारीले संविधानको धारा ७६ (२) अनुसार सरकार गठनका लागि दलहरूलाई आह्वान गरेपछि देउवाले यसबारे छलफलका लागि बैठक बाेलाएका हुन् ।

प्रधानमन्त्री केपी शर्मा ओलीले सोमबार प्रतिनिधि सभामा विश्वासको मत ९३ मात्र पाएसँगैं नयाँ सरकार गठनको प्रक्रिया सुरु भएको हो । ओलीलाई बहुमत पुर्‍याउन १३६ मत आवश्यक थियाे ।