प्रत्येक नेपालीको टाउकोमा रु.३६ हजार ८ सय ऋण

काठमाडौं,माघ ७- नेपाल सरकारको सार्वजनिक ऋण ११ खर्ब रुपैयाँ पुगेको अर्थ मन्त्रालयले जनाएको छ । अर्थ मन्त्रालयद्धारा सार्वजनिक गरेको तथ्यांक अनुसार मंसिर महिनासम्म नेपालको सार्वजनिक ऋण १० खर्ब ९८ अर्ब पुगेको हो।

जसमध्ये ६ खर्ब ४६ अर्ब ९५ करोड रुपैयाँ वैदेशीक ऋण रहेको छ भने ४ खर्ब ५१ अर्ब ५५ करोड रुपैयाँ आन्तरिक ऋण रहेको छ । सरकारको ऋणलाई आजसम्मको नेपालको जनसंख्या २ करोड ९८ लाख ३० हजार ५ सय ४७ ले भाग गर्दा हरेक नेपालीको टाउकोमा ३६ हजार ८ सय ८ रुपैयाँ ऋणभार रहेको छ ।

यो आर्थिक वर्षको पहिलो पाँच महिनामा सरकारले १ अर्ब ९४ करोड आन्तरिक र ७ अर्ब ३० करोड बाह्य ऋण तिरेको छ । यस्तै आन्तरिक ऋणको ८ अर्ब ८९ करोड रुपैयाँ र बाह्य ऋणको १ अर्ब ५० करोड रुपैयाँ ब्याज पछिल्लो ५ महिनामा सरकारले भुक्तानी गरेको छ ।