पोखरा उद्योग वाणिज्य संघको अध्यक्षमा नेकपा निकट दामु अधिकारी निर्वाचित

पोखरा- पोखरा उद्योग वाणिज्य संघको अध्यक्षमा दामु अधिकारी निर्वाचित भएका छन् ।

नेकपाको समर्थनमा उम्मेद्वार बनेका अधिकारी कांग्रेसको समर्थनमा उम्मेद्वार बनेका रबिन्द्रबहादुर प्रजूलाई ७ मतको झिनो अन्तरले पराजित गर्दै बिजयी भएका हुन् ।

अधिकारीले १ हजार ४ सय ७८ मत प्राप्त गरे भने पराजित प्रजूले १ हजार ४ सय ७१ मत प्राप्त गरे ।

पराजित प्रजू पोखरा महानगरपालिका वडा नम्बर ३ का वडाध्यक्षसमेत हुन् । लोकतान्त्रिक पक्षधरको बाहुल्यता रहेको संघमा प्रजू पराजित हुँदा कांग्रेसलाई नराम्रो झट्का लागेको छ ।

उद्योगी, व्यवसायीको चुनाव भएपनि दुई ठुला राजनितिक दलले प्रतिष्ठाको बिषय बनाएका थिए ।