सेयर बजारमा दोहोरो अंकको गिरावट, ७ अर्ब ७७ करोड ७५ लाख बराबरको कारोबार

काठमाडौं । यो हप्ताको दोस्रो दिन सोमबार नेपाल स्टक एक्स्चेञ्ज(नेप्से)मा दोहोरो अंकको गिरावट भएको छ । सोमबार नेप्से सूचकांक १७ दशमबल ७५ अंकले घटेर दुई हजार ८ सय १९ दशमलब ८७ विन्दुमा आएको छ ।

सोमबार ७ अर्ब ७७ करोड ७५ लाख बराबरको कारोबार भएर कारोबार रकममा भने सुधार देखिएको छ । सोमबार दोहोरो अंकले बजार घट्दा पनि मानुसी लघुवित्त, साहास उर्जा र पाँचथर पावरका लगानीकर्ताले भने कमाएका छन् । मानुसी लघुवित्तको शयेरमा १० प्रतिशतको वृद्धि भएको छ भने ुसाहास उर्जाको शेयरमा ९ प्रतिशतभन्दा बढीले मूल्य बढेको छ । त्यस्तै, पाँचथर पावरको शेयर पनि ९ प्रतिशतभन्दा बढीले बढेको छ ।