आयुष अर्यालको गीत ‘नतड्पाउनु’ सार्वजनिक

काठमाडौं । गायक आयुष अर्यालको नयाँ सांगीतिक कोसेली ‘नतड्पाउनु’ सार्वजनिक भएको छ । गीतमा गायक आयुषलाई चर्चित गायिका एलिना चौहानले साथ दिएकी छन् । अलेक लामा र आयुष अर्यालको शब्द, राहुल प्रधानको संगीत रहेको गीत रोमान्टिक शैलीमा निर्माण भएको छ ।

मोडेल सारा लोहोरुङ्ग राईसँग गायक आयुषले नै रोमान्स गरेको भिडियो जनकदीप पराजुलीले निर्देशन गरेका हुन् ।  भिडियोमा हरि हुमागाईंको छायाँकन र विकास धमलाको सम्पादन छ ।