उषाको भिक्षुसंग प्रेम सार्वजनिक

काठमाडौँ। लेखक उषा हमालको नियात्रा कृति भिक्षुसँगको प्रेम आज काठमाण्डौमा बिमोचन गरियो । पूर्व मन्त्री डा निलाम्वर आचार्य, कवि श्यामल, लेखक डा अर्चना थापाले भिक्षुसँगको प्रेम विमोचन गरे ।

त्यस अवसरमा पूर्वमन्त्री आचार्यले उषाको लेखनमा प्रेम र शान्तिका कुरा भेटिने बताए । उनले यो प्रेम निर्वाणसँगको प्रेम भएको पनि बताए । यसैगरि कवि श्यामलले द्वन्दग्रस्त भौतिक संसारबाट वैराग्यको संसार र त्यहाको अनुभव उषाले लेखेको बताए । लेखक अर्चना थापाले लैङ्गिक र वैचारिक रुपमा उषा स्पष्ट रहेको बताईन् ।

भिक्षुसँंग प्रेम शिखा प्रकाशनले छापेको हो । यसअघि उषाको सागओलअजरबैजान नियात्रा र समयसमुद्र (कविता संङ्गह) प्रकाशित भइसकेका छन् ।