एक क्विन्टल लागुऔषध गाँजासहित तीन जना पक्राउ

महोत्तरी ।  सशस्त्र प्रहरीले एक क्विन्टल लागुऔषध गाँजासहित तीन जनालाई पक्राउ गरेको छ । एकडारा गाउँपालिका– ५ स्थित बहेडा गाउँबाट उनिहरुलाई नियन्त्रणमा  लिएको हो ।
पक्राउ पर्नेमा ६० वर्षीय रामखेलावन मण्डल, ३६ वर्षीय रमेश पासवान र ५० वर्षीय सुरेश यादव रहेको सशस्त्र प्रहरी बलले बताएको छ ।

विशेष सुराकीका आधारमा टोली खटाई नेपालबाट भारत तस्करी गर्ने उद्देश्यले शुक्रबार मध्यरातमा एकडारा गापा–५ स्थित एक घरमा सात पोकामा एक क्विन्टल गाँजा प्याकिङ गरिरहेको अवस्थामा तीनै जनालाई गाँजासहित पक्राउ गरिएको जनाइएको छ ।

गाँजासहित पक्राउ परेका तीनै जनालाई आवश्यक कारबाहीका लागि जिल्ला प्रहरी कार्यालयमा बुझाइएको छ ।