बस दुर्घटना हुँदा ७ जनाको मृत्यु, ८ जना घाइते

पाल्पा । पाल्पामा मलामी जाँदै गरेको बस दुर्घटना हुँदा सात जनाको मृत्यु भएको छ ।

दुर्घटना पाल्पाको रिब्दीकोट गाउँपालिका–३, लघुवामा आइतबार बिहान साढे दस बजेतिर लु १ ख ७२७९ नम्बरको बस दुर्घटना भएको प्रहरीले जनाएको छ ।

बसमा सवार भएका ३५ जना मध्य दुर्घटनामा घाइते भएका ८ जनालाई प्रहरी र स्थानीयसहितको टोलीले उद्धार गरी उपचारका लागि जिल्ला सदरमुकाम तानसेन पठाइएको र बाँकीको अवस्था भने सामान्य रहेको स्थानीयले जानकारी दिएका छन् ।

दुर्घटनाग्रस्त सात शवमा चार जनाको शव बाहिर देखिएको र तीन जनाको शव बसले च्यापेकाले जेसीभी झिकाएर निकाल्ने तयारी गरिरहेकाले दुर्घटनाको थप विवरण आउन बाँकी रहेको प्रहरीले जनाएको छ ।