थप ३७ जनामा कोरोना संक्रमण पुष्टि, ३८२ जना संक्रमणमुक्त

२४ घण्टामा काठमाडौँ उपत्यकामा १२ जना कोरोना संक्रमित थपिए

काठमाडौं । नेपालमा पछिल्लो २४ घण्टाको अवधिमा थप ३७ जनामा कोरोना भाइरसको संक्रमण पुष्टि भएको छ ।

स्वास्थ्य मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन । हालसम्म कोरोनाबाट ११ हजार ९५० जनाले ज्यान गुमाएका छन् ।

आइतबार ३८२ जना कोरोना संक्रमणमुक्त भएको स्वास्थ्य मन्त्रालयले जनाएको छ । हाल देशभर ३ हजार २४१ जना सक्रिय संक्रमित रहेका छन् ।

गत चौबीस घन्टामा २ हजार ७९८ पीसीआर तथा १ हजार २६३ एन्टिजेन परीक्षण भएको छ ।

अघिल्लो दिन देशभर ४ हजार ५४३ जनाको नमूना परीक्षण गर्दा १७ जनामा कोरोना संक्रमण पुष्टि भएको थियो भने ४०९ जना संक्रमणमुक्त भएका थिए । अघिल्लो २४ घण्टाको अवधिमा मृत्यु संख्या शून्य थियो ।

पछिल्लो २४ घण्टामा काठमाडौँ उपत्यकामा १२ जना कोरोना संक्रमित थपिएका छन् । स्वास्थ्य मन्त्रालयका अनुसार काठमाडौँमा १० र भक्तपुरमा २ जना संक्रमित थपिएका हुन् ।