मर्जर प्रक्रियामा रहेकाे ग्लोबल आईएमई र बैंक अफ काठमान्डूको शेयर कारोबार फुकुवा

काठमाडाैं । मर्जर प्रक्रियामा रहेका ग्लोबल आईएमई बैंक र बैंक अफ काठमान्डूको शेयर कारोबार फुकुवा भएको छ  ।

नेपाल स्टक एक्सचेन्ज नेप्सेको आज मङ्सिर २० गतेको निर्णय अनुसार कम्पनीको शेयर कारोबार फुकुवा भएको हो ।

यस सँगै अब बुधबारदेखि कम्पनीको शेयर कारोबार गर्न सकिने भएको छ ।   नेप्सेले आधारभूत शेयरधनी बाहेकका शेयरधनीको शेयर कारोबार फुकुवा गर्ने निर्णय गरेको हो ।  यी २ बैंकले एक आपसमा मर्जर सम्झौता गरेपछि शेयर कारोबार रोक्का भएको थियो ।

नेपाल धितोपत्र बोर्डले जारी गरेको ‘धितोपत्र दर्ता गराएका संगठित संस्था एकआपसमा गाभ्ने /गाभिने तथा प्राप्ति सम्बन्धी निर्देशिका, २०७९ ‘ बमोजिम दुवै कम्पनीको शेयर कारोबार फुकुवा भएको हो । यस निर्देशिका अनुसार मर्जर तथा प्राप्तिमा  जाने कम्पनीको शेयर कारोबार  अधिकतम १५ दिन मात्र रोक्का हुने ब्यबस्था गरिएको छ ।

सोहि ब्यबस्था अनुसार नै मर्जर प्रक्रियामा रहेका दर्जन बढी कम्पनीको कारोबार फुकुवा भईसकेको छ ।