काठमाडौं महानगरपालिकाद्वारा इलिक्सर एकेडेमी सम्मानित

काठमाडौं । काठमाडौं महानगरपालिकाले २८ औँ महानगर दिवस विविध कार्यक्रम सहित मनाएको छ ।

सो अवसरमा काठमाडौं महानगरपालिकाभित्र सञ्चालित संस्थागत विद्यालयहरुमध्ये शैक्षिक सत्र २०७८ को एस.ई.ई. परीक्षामा सर्बोत्कृष्ट नतिजा प्राप्त गर्न सफल चाबहिल , कुमारीगाल वडा न ७ मा अवस्थित इलिक्सर एकेडेमीलाई काठमाडौँ महानगरपालिकाका मेयर बालेन्द्र शाहले विद्यालयका प्रधानाध्यापक रविन दाहाललाई नगद पुरस्कारसहित प्रमाणपत्र प्रदान गरे ।

सोही कार्यक्रममा काठमाडौँ महानगरपालिका उपप्रमुख सुनिता डंगोलले शैक्षिक सत्र २०७८ को एस.ई.ई. परीक्षामा ४ जिपिए ल्याउने इलिक्सर एकेडेमीका विद्यार्थी कृतिका सिवाकोटी र प्रतिक पौडेललाई नगद पुरस्कारसहित प्रमाण–पत्र प्रदान गरे ।

काठमाडौँ महानगरपालिकाले प्रत्येक वर्ष महानगर दिवस मनाउँदै आएको छ । सो अवसरमा महानगरभित्रका उत्कृष्ट विद्यालय र विद्यार्थीहरुलाई नगद पुरस्कारसहित प्रमाणपत्र प्रदान गर्ने गरेको छ ।