१९ वर्ष जेल बसेर निस्किए विकिनी किलर चार्ल्स शोभराज

काठमाडौं ।‘बिकिनी किलर’भनेर चिनिएका चार्ल्स शोभराज थुनामुक्त भएका छन् ।

केन्द्रीय कारागार सुन्धाराबाट उनलाई रिहा गरेर अध्यागमनमा लगिएको छ । फ्रान्सेली नागरिक शोभराजलाई रिहा गरिएको केन्द्रीय कारागारले जनाएकाे छ  । सर्वोच्च अदालतको आदेशअनुसार उनलाई डिपोर्ट गर्ने सरकारको तयारी छ ।

 

शोभराज १९ वर्षदेखि नेपालको कारागारमा थिए । नेपाल घुम्न आएका क्यानेडियन महिला क्यारियरे लरेन्ट र अमेरिकन नागरिक कोन्नी जो ब्र्रोन्जीचको हत्या आरोपमा उनी दोषी ठहर भएर थुनामा बसेका हुन् ।

पुस ६ मा सर्वोच्च अदालतका न्यायाधीशहरू सपना प्रधान मल्ल र तिलप्रसाद श्रेष्ठले उनलाई कैद घटाएर रिहा गर्न आदेश गरेका थिए । शोभराजलाई बुधबार सर्वोच्च अदालतले कैद सजाय घटाएर रिहा गर्न आदेश गरेको थियो ।