राप्रपा देशको अस्थिरताको कारण बन्दैन : राजेन्द्र लिङदेन

काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले आफ्नो पार्टी देशको अस्थिरताको कारण नबन्ने बताएका छन् ।

आजको संसदको पहिलो बैठकमा बोल्दै लिङ्देनले देशभन्दा माथि कोही नभएकाले सबै राजनीतिक दलहरु गम्भीरताका साथ देश विकासका लागि लाग्नुपर्ने बताए । देशको वैदेशिक रोजगारीको बढ्दो स्थिति, कृषकले मल नपाउनु लगायतका बेथितिको प्रकाश पार्दै उनले सरकार त्यसमा गम्भिरताका साथ लाग्नुपर्ने उनले बताए ।