सुनको मूल्यमा सामान्य गिरावट, कतिमा हुँदैछ कारोबार ?

काठमाडौँ । नेपाली बजारमा आज सुनको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आज दुई सयले सुनको मूल्यमा गिरावट आएको हो ।

आज छापावाला सुन प्रतितोला एक लाख ३ हजार ८ सय रुपैयाँमा कारोबार भइरहेको महासंघले जनाएको छ । सोमबार सुन प्रतितोला एक लाख ४ हजार रुपैयाँमा कारोबार भएको थियो ।
यस्तै, आज तेजाबी सुन एक लाख ३ हजार ३ सय रुपैयाँ कारोबार भइरहेको महासंघको भनाइ छ ।

आज चाँदीमा मूल्यमा भने कुनै उताढचढाव भएको छैन । महासंघका अनुसार आज चाँदी प्रतितोला एक हजार २९५ रुपैयाँमा कारोबार भइरहेको छ ।